759為食探險隊

    <首都圈巡禮 Day 7>
    02-12-2013 7:30 pm


     

     

    大家早安 おはようございます ~~

     

    <<首都圈巡禮>>黎到尾聲,當然要爭分奪秒為大家搜羅更多不同種類既店舖啦!最後一集,我哋決定為大家送上有別於前幾集特色超級市場既商店。

     

    曾經到日本旅遊既朋友仔都應該熟知日本有眾多藥妝店,此為香港少有,最令人驚喜既係藥妝店既貨品五花八門,化妝品,藥品及個人護理款色多,價錢合理。女士見到真係愛不釋手,而我哋,哈哈,當然敵不過呢種吸引力直奔到藥妝店啦!!


     2013-12-1(日) Day 7

    向新宿藥妝店出發!尋寶!Matsumoto Kiyoshi(新宿3丁目店)!!

    ゜ *。ヾ(・ω・*)ノ゜ *。(●´∀`)ノ+゜ 。゜v(。・ω・。)v ・゜゜ *。

     

    IMG_8049拷貝

    位於新宿車站附近,Matsumoto Kiyoshi(新宿3丁目店),我哋仲未抵達,方圓百米都已經可以聽到喇叭宣傳廣播,從外面睇入去,店內人頭湧湧,非常熱鬧啊!

     

    IMG_8050拷貝



    想過一個暖笠笠嘅冬日,藥妝店得悉客人所需,係門口已經擺放咗好多不同款式嘅暖包、暖貼、暖蛋,想要幾warm,立即就有幾warm,貪靚嘅女士們即使著短裙仔都唔怕凍親喇!!另外,日本冬天非常乾燥,皮膚爆拆、乾裂致痕癢係常見既事,但係都冇有怕,各式各樣嘅潤膚系列喺呢個時候就可派上用場,即刻潤返曬啦!!!

     




     

    AA






    入到藥妝店,我哋實行兵分兩路,兩個男仔去睇  男士用品,至於女仔就緊係睇護理產品同化妝品喇,正當我哋睇到興高釆烈嘅時候~~ 蜂仔同一路發扁晒嘴呻道:唉,行勻成間薬妝舖,女仔用品多過男仔既咁多嘅!唔公平呀!男士護理用品,如鬚刨、頭髮造型產品,與女士們相比簡直係「小巫見大巫」啊!!!

     




     

    IMG_8056拷貝





     


    望真啲,女士們果然幸福好多喎!!!

    嘉應子:藥妝店一向是女人的天下!淨係頭髮日常用品已經多達兩排貨喇! 

    查理笑著行過嚟說:大家咁好火嘅〜〜咁一定要試下呢個辣椒溫泉泡澡劑喇!實行火辣辣到底啊!!!嘉應子:我需要降火多啲囉!查理:咁多款都買返去慢慢浸,好似有洋甘菊、薰衣草、熱帶雨林...有舒緩鎮靜功效,緊有一款可以「 撲火」嘅~~

     













    IMG_8061拷貝





    好啦,終於爭論都告一段落,大家繼續前行,發現有寶物啊!!好多女人絲襪喔!!除咗有顏色、薄厚、幾多針織之分,仲有好多好多時下流行的瘦腿絲襪,推薦俾需長期站立或坐立,希望改善靜脈曲張或各位想瘦腿的女士們喔!!!盒中既hPa(hectopascal):表示壓力值的國際單位,hPa值越大代表壓力度越高;壓力度越高瘦腿就愈明顯!

     





    我哋愈行愈覺得新奇,見大家都未夠喉,好!決定再勇闖新宿經典必去嘅購物天堂,噔!噔!噔!噔!就係激安の殿堂,其實我哋到達東京第一晚已第一時間去朝聖,可惜當時太夜喇,今日再次造訪,終於可以帶大家好好一探虛實啦!

     

     

    向新宿百貨店出發!必去朝聖之地!激安の殿堂!!!

    ・゜゜v(。・ω・。)v ・゜゜・≧□≦・゜゜ノ(●´∀`)ノ+゜ *

    這種百貨店喺日本週圍都有,但香港暫時未有引入這種模式,今次帶大家奔向日本經典百貨店, 揭開佢嘅新鮮、可愛、秀色可餐嘅一面......哈哈!!

     

    IMG_0790

    激安の殿堂有4層高,每一層都會以不同類別性質區分,好多人話呢度係尋寶天地!因為可以買到最多、最有特色嘅零食、食品,仲有其他雜貨或百貨,男女老幼相關用品,都應有儘有,所有日常生活用品,通通喺呢度可以滿足到嘅!!!而有好多新奇寶物,以前都未見過噃!!!由廁紙賣到名牌嘢,乜都有o架!貨品價格有平有貴,豐儉由人!!一個唔小心入去,密密麻麻嘅佈局,好似迷宮咁,我哋零食兵團稱為「尋寶之旅」,哈哈~可以一次過滿足你三個願望,新奇、刺激又好玩!!

     

    食品區域:

    DD

     

    嘩嘩~~!!眼見多種美食係759阿信屋都曾經或現正有售,有一種親切感!但當然都有香港少見既食品啦,我哋4位零食兵團為此進入瘋狂狀態呀!!

     

    生活用品區域:

    CC

    另外一邊係生活用品,各種用品,擺滿咗貨架,好有香港style,利用有限空間放置最多貨品!只能講句:好多好多款啊,應有盡有啊!!











    呢度衣褲鞋襪都有得賣喔!!你睇,連女士內衣都有,勁啊!!



























    嚟到這一層,好Surprise啊!!有各款名牌手袋,女士們見到一定雙眼發光,精神為之一振喇!!仲有好多古靈精怪嘅玩意,好似呢個Hello Kitty花束咁,Cute到爆炸!男士們識做啦~~ 一束咁可愛嘅花就將女士們嘅心俘虜咗喇!!!













    好多好多電子產品都有啊!男士們都忍唔住要尖叫啊!仲有玩具、模型、公仔……多到想帶晒返香港啊!!

    查理:啊!!有近期人氣爆燈嘅Line公仔吖~~ 好多都係香港未見過嘅!!(失控中)OSH!連即影即有嘅相機同菲林都有啊!!



























    沿著樓梯,再更上一層樓,又發現新大陸啊!!各種電話Case非常吸引,款式全部都好潮,好靚啊!!紅紅綠綠地滿佈,自己用唔晒咁多,可以揀多幾個送俾朋友~~仲有好多手錶及頸鏈tim~~

     

    買!買!買!最後大家都滿載而歸,攞住大袋細袋嘅戰利品,心滿意足地踏上飛機征途喇!!

     



















    不知不覺,<首都圈巡禮>來到尾聲了,大家都非常感謝公司 - 759阿信屋及老闆林偉駿先生給予機會為大家以輕鬆嘅心態向大家介紹日本不同種類既超級市場及店舖!呢次所見到的、體驗的、感受到的,將會一一印記在心中,成為最美好的回憶!



    特別鳴謝
    759阿信屋!!!