759為食探險隊

    <首都圈巡禮 Day 5>
    30-11-2013 1:09 am






    2013-11-29 (五)Day 5
    向東京都超市出發!
    Y’s Mart 高田馬場分店!!

    在晴朗的一天出發,我哋一行4人食完早晨,繼續上路喇~~

    ヾ(≧∇≦*)〃 ヾ(≧∇≦*)〃 ヾ(≧∇≦*)〃ヾ(≧∇≦*)〃!!!!

     

    今次逛嘅兩家超市,同樣位於高田馬場駅附近,由於周圍有好多學校,被譽為「學生城」,所以這區色食肆、超市、商店價格都較為符合學生經濟效益。

     

                                                                  

     

    東京新宿-高田馬場駅

     

     







    Y’sMart 超市


    營業時間:24小時

    類型:便利店式超市

    地點:高田馬場駅附近

     

    第一站Y’sMart 超市,是一間24小時營業的便利店式超市!我哋乘搭JR山手線- 高田馬場駅,步行只需約8分鐘,就抵達目的地啦!

     

     

     

     

     

     

     

     




    到咗Y’sMart超市,日本朋友仔M解釋:無論是深夜,還是清早,這裡都為附近的居民帶來便利;深夜肚皮響個不停,呢度有便當、叮叮粉麵粥飯、甚至有冬日街邊常見嘅熱辣辣煨番薯tim噃!清早有各種款式的麵包等早晨食品新鮮出爐,幫街坊們打氣醒神!!

      


     





    一入門,旁邊有園藝類別,各種鮮花盆栽爭妍鬥豔中!縱使係咁,嘉應子都對花兒不感興趣,因為佢已經被林林總總嘅火鍋配料吸引咗,仲有好多叫不出名字嘅調味醬料啊……

    嘉應子:今晚等我大顯身手,炮製相撲火鍋慰勞大家喇!

    眾人:Yeah!(拍手~~~)

     

     

     

     






    又到聖誕!又到聖誕!!係火鍋配料旁邊有個Merry Christmas Corner,擺滿咗聖誕賀節gift,有kitty錢箱、Disney叮噹糖果……小朋友見到一定會大叫かわいい(可愛)! !

     

     

     

     

     

     

     

     

     

     








    行行下,一路發:覺唔覺得呢度陳列做得幾好呀,好似呢款木盒,木材好,有超市Logo,外型設計可以一層層疊上去,既可以慳位又方便靈活。

    峰仔:店長果然係店長,對貨物嘅擺設果然有一份執著!

     

     

     

     


    店長一路發繼續發揮店長精神:紅酒架做得真係好細心,分種類區域排列好,你睇幾整齊,等我搵返支香檳先~哈哈~話咁快就搵到啦!

    大家:你謙虛姐(ー_ー;)

     

     

     

     

     

     




    Y's mart 有好多不同種類嘅新鮮肉類同蔬菜,主要來自本土農場,仲有好多品種都未見過tim~~!!

    (* ̄∇ ̄*)簡直大開眼界啊!你睇金針菇嘅包裝幾得意,好似同我哋招手微笑咁啊!!

     

     

     

     

     

     

     

     

     



     

    比起大型超市經常見到嘅大牌子唔同,這裡的士多啤梨雖然唔算出名,但有著探險家精神既我哋買咗返去試食,唔~非常鮮甜juicy!一啲都唔會遜色呀!!

     

     





     

     






    Y's Mart嘅店面面積不
    比起Day 1 ~4逛過嘅超市不算大,但勝在貨種夠多,要乜有乜,品種又特別,真係應有盡有o架!

     

     

     

     

     

     

     

     








     

    正當大家思考要揀咩零食好(因為實在太多選擇喇!)查理一支箭衝向冷凍區域:你睇減價Banner大大隻字咁show out, 勁顯眼呀!咁多減價貨品,大家當然要搶購一空喇!

    面對減價大誘惑,查理已失控,一路搶購,一路自言自語:138円!!228円!!398円!!!抵買大發現啊!!依個好好食喎!!依個又好好食喎!!

     

     

     

     

     

     

     



     





    沿途仲發現有好多電子價牌,比起之前逛過的某某超市嘅設計更加清楚易明,依種價牌免卻了更換價錢牌既過程,只需在系統上更改價錢便可,既可減少商店經營成本,又環保呵!連環保小戰士嘉應子都要讚好!

     

     

     

     

     

     

     

     

     


     






    峰仔:我最讚賞這裡的意見分享告示板喇!對於商品服務的各種回饋,你想佢哋引入乜貨品,通通可以寫落嚟o架~~等我寫返張畀佢哋先!!我要食蝦餃、蛋撻、小籠包!!!

     

    好喇!行到差唔多喇,那邊廂的一路發揮一揮手,大聲呼叫:大家門口集合啦喂~~!我哋準備去下一間超市啦!follow me!!!!

     

     

     

     

     

     




     

     

    向東京都超市出發-SEIYU(高田馬場店)!!

    第二站SEIYU 超市,是一間貨種非常多嘅連鎖超市!毗鄰高田馬場車站,如果乘搭JR山手線- 高田馬場駅,然後步行只需約10分鐘就可到達。

     

     

     

    SEIYU 

    營業時間:10AM-11PM

    地點:高田馬場駅附近

    一樓為食品,二樓家庭用品、衣物類別。貨品包羅萬有,麻雀雖小,五臟俱全呵!!

     

     

     

     



    嘩~嘩~嘩~嘩~!!大家情不自禁大叫:這裡簡直是天堂吖!!唔單只有咁精美嘅蛋糕預定,仲有訂做嘅精緻壽司便當提供啊!正到爆燈啊!!!

    嘉應子強調:便當唔同一般貨色!係日式和風便當喔!每一款都非常用心製作o架!!通常節慶日子時會買返去慶祝!!

     


     


    仲有禮盒裝gift,pack咗不同類別嘅貨品,如有朱古力、曲奇餅、家庭調味品等,非常切合大家不同需求o架!!

    尤其是這款家庭用品大集會(圖左邊)!!經過精心挑選並集合罐頭、調味醬、食油、醬油等,送禮首選,媽媽飛弗!推薦畀年輕男士們第一次去拜訪女方家長,此乃「見家長必備」,一同攜帶絕對唔會撞板喇!!!!

     

     



     

     





    比起之前逛過嘅大型超市唔同,發現這裡空間不太大,但貨品種類還不少喔!抬頭一望,放眼過去,罐頭類、調味料、米糧、麵食……分類非常有條理喔,咁樣就唔使驚搵唔到你要嘅嘢啦!!

     

     

     

     

     

     



     

     




     

    一路發突然發現最鍾情嘅鰻魚,啊大叫:一定唔可以放過啊!!!但好多選擇,無從下手,向我哋求救…

    峰仔:一於樣樣都要,實行有殺錯,冇放過!!

     

     

     

     

     

     

     


     







    這邊廂嘉應子發出驚歎句!發現新大陸:なんと(竟然)!呢度有好多我屋企仔仔需要嘅嘢吖!同759阿信屋一樣入咗好多寵物零食、玩具、用品……連紙尿片都有啊!Rocky仔!以後你嘅pat pat可以全日保持清爽啦!!!(幻想中的仔仔:嗚嗚嗚~~感激得痛哭流涕中!)

     

     

     

     

     

      

     

     

    我哋轉身去另一邊,竟然發現呢度有男女老幼衣物賣,款式多元,細心照顧每一個消費者對衣物嘅需要。大家異口同聲驚呼:連內衣俗稱嘅「虧佬褲」都有噃!質地非常舒服軟熟,峰仔忍唔住都要入貨!!

     

     

     


     

     

     



    仲未算驚喜啊!原來這裡真係處處都充滿驚喜啊!!我哋好似發現新大陸咁o曬嘴:呢度連單車都有!果然係非一般超市!令人意想不到啊!!

     

     

     


     
     


    大家都逛到流連忘返,由於要趕去下一場,只好依依不捨地步出SEIYU,發現外面天天天晴,陽光燦爛,剛好照住店面,聖誕花開得好紅、好靚!


    好喇!我哋繼續踏著輕快的腳步前往下一站!!聽日XX超市與YY零食雜貨店將會登場(這裡先保密!)敬請大家繼續密切留意我哋行蹤喇!!

    待續......