759為食探險隊

    <首都圈巡禮 Day 4>
    29-11-2013 3:49 am

    2013-11-28 (四) Day4

     

    向東京近郊超市出發 — Costco!!

    不知不覺,首都圈巡禮嚟到第4日喇,我哋繼續四出探險~~ 呢日我哋進軍Costco! Let's Go!!

    ・。+゜(●´∀`)ノ・。+゜・。+゜(●´∀`)ノ・。+゜・。。+゜(●´∀`)ノ・。+゜・。+゜

    Print

     

    位於東京都近郊 — Costco(茨城分店),毗鄰首都圈新都市鐵道,相比起百貨公司漂亮的櫥窗、高級超市的精美高檔貨品,沒有太多廣告宣傳,沒有建立明顯高調的產品標誌,似乎更加貼近生活需要,對部份人士(Outlet狂熱者)來說,這裡更為吸引,是個血拼至滿載而歸的好地方!這也許就是Costco的成功之處吧,予人平易近人,用公道價格可以買到平、靚、正嘅貨品!!

     

     

    IMG_8442IMG_8519拷貝

    同尋日一樣,我們由日本朋友M及J帶路, 經過一個多小時車程,終於來到期待已久的目的地喇!由於採用會員制,規定每位會員每次只可以帶兩位顧客,而我們有4位團友,所有要分兩次前往。

    IMG_8436拷貝

     

     

    步入正門,首先見到電器類別貨品,種類繁多,主要切合生活日常所需,一般傳統超市唔會賣嘅嘢,呢度都可以搵到,譬如多款補聽器產品,可供顧客比較及選擇。

     

     

     

     

     

     

    IMG_8438拷貝

     

    圖入面,你哋可以見到超市竟然會有電腦賣,真係無論你諗得到或諗唔到,呢度都可以滿足到你。上至大型家電、家庭用品,下至電腦、手機、手錶……通通應有盡有啊!

     

     

     

     

     

     



    IMG_8442拷貝

     

     

    沿途見到好高好大嘅貨架,我哋就好似進入一個好大型嘅貨倉咁樣,日本朋友M解說:Costco屬於一間倉存式大型超市,採用大量入貨模式,致力以最廉宜價格販賣,為減低營運成本,以倉存模式陳列,大批量存貨一層層向高空發展,實行一架兩用,上面為存貨,下面為銷售貨品,既減少佔用面積,又方便補貨。

     

     

     

    IMG_8445拷貝

     

     

     

    縱使貨量好大,但都排列得好整齊,一啲都唔會雜亂無章。貨品保持得非常乾淨,簡直一塵不染喔!

     

     

     

     

     






    Big Size!!重量級零食食品區域:

     

    IMG_8440拷貝

     

    日本大部份嘅Costco都一樣,一貫的陳列設計,貨品種類繁多,Big Size版嘅童星點心薯片好令人surprise啊!!食落肯定非常有滿足感喇!!

     

     

     

     

     

     

     


    IMG_8467拷貝

     

     

     

    好鍾意開party嘅一路發,突然高八度聲調:正啊!超級Big Size嘅薯片,攞上手好有重量級感覺,最啱同朋友仔一路睇波一路慢慢食喇!!

    我哋異口同聲:買一板返去咯!(奸笑中)

     

     

     

     


    IMG_8441拷貝



    一個轉身,登~登~
    登~登~超級Big Size Market O-Real Browine(Gift Pack)登場!從來沒有想過Market O可以咁大份,可以放到咁大!!

    鍾情Market O嘅fans們肯定會忍唔住手,大量入貨!!!

     

     

     

     

     


    IMG_8439

     

    查理:QP焙煎胡麻醬超級放大版用來整沙律,my飛弗啊!甘大支沙律醬除咗可以整沙律,仲可以配搭炸豬扒,仲有仲有冬天shabu~shabu時,可以用來沾醬,效果一流啊!仲有仲有仲有……

    呢個時候,嘉應子已經靜靜雞將幾支沙律醬放入購物車。

     

     

     

     

    IMG_8472拷貝

     


    呢度除咗有日本本地嘅貨品,仲有其他歐美進口貨,例如有我哋熱賣到街知巷聞嘅S. Pellegrino意大利有氣泡泡礦泉水。

     

     

     

     

     

     ccc1

     

     

    美好的一天從這裡開始!呢度有一個好大嘅廚房,每一日會不定時炮製各款美食,如新鮮西班牙意大利飯!

    另外旁邊仲會有冷凍食品及副食品,如Big Size 金寶湯!好多美食,食到停唔到手喇!!

     

     

     

     

     

     

     


    IMG_8458拷貝



    擔心買咁大型嘅食品返去會唔啱食?唔怕!呢度有好多試食區,可以試到啱為止!!

     

    我哋試食咗好多嘢食,最令人印象深刻嘅就係照燒雞扒,真係oishii~!!

     






     

    xxx1

     

     

     

    日本朋友M推薦:西班牙海鮮炒飯,有大蝦、海鮮、份量好夠,保證食到大大滿足!最啱一啲無飯家庭開餐啦!你哋做宵夜食都好啱o架!!

     

     

     

     

     

     

     

     

    b1

     

    峰仔突然大叫好凍啊!原來Costco有個專放新鮮食品既冷凍庫 - DAIRY,溫度得9度左右,讓食材可以保持新鮮,正咧!!

     

     

     

     

     

     

     







    個人護理及家庭用品區域:

     

    vvv2

     

     

    我哋好唔捨得咁離開食品區域,來到家庭用品部,發現仲有好多好多個人護理、寵物零食、家用品等……多到不能盡載。

     

     

     

     

     

     

     

     

     

    IMG_8444拷貝





    用計算方式展出減價價牌,呢個情況係香港好罕見,所以第一次見到嘅我哋,都要停一停,諗一諗,哦~原來係減價!

     

     

     

     

     

     

     

     

    IMG_8477拷貝

     

     

     

    某知名咖啡嘅禮盒裝,非常美觀,價格又抵到冇人有!唔買就真係對唔住自己啊!鍾意飲咖啡嘅日本朋友J邊講邊拎:呢款好特別,未見過啊,一定要買喇!

     

     

     

     

     

    IMG_8453拷貝
    從來沒有想過這款貨品 - 屋仔會出現在超市,實在大開眼界啊!

    峰仔:好似幾好住噃!  (入緊屋仔)

    嘉應子:咁你仲唔快啲入去!(砰!嘉應子立馬用0.01秒速度把門關上。)

    ヽ(≧Д≦)ノヽ(≧Д≦)ノ

    PS.系外國,呢類型屋仔會放系花園,作為家用存倉用途,一般香港人好少會接觸到,因為我哋住嘅地方通常都係高樓大廈,好少會有私人花園。

     

     

     

     

    行到最尾,見到有藥劑師駐場嘅醫藥保健中心供消費者諮詢,照顧唔同需要,提供專業意見。旁邊還設有眼鏡鋪、小賣部等等。

     

     

     

     





    我哋行咗約兩個鐘,終於行完Costco呢間倉存式大型超市!是次個個都滿載而歸,拎住大袋小袋返去東京都嘅酒店!

    聽日我哋會繼續勇闖東京都高田馬場嘅XX超市與YY超市(這裡先保密!)敬請大家繼續密切留意我哋行蹤喇~!!

    待續......