菓子体験

    人氣大熱 - 終極
    03-05-2012 10:31 am

    人氣大熱 - 終極"芝"味! OTTOGI 軟綿綿芝士拉麵 大探討 ! 


    相信已經係759阿信屋Fans既,一定知道、試過、甚至已經愛上我地既人氣大熱
    "OTTOGI軟綿綿芝士拉麵",佢既終極"芝"味,真係令人一試難忘,今次係想介紹佢俾D走o左雞未試過既Fans,同埋示範下終極"芝"味既煮法!!

    佢濃郁既芝士味、豐潤既香辣味、Creamy既芝士口感,令人垂廷既芝士賣相,一陣陣令人難以抗佢,複雜而獨特既香味,又軟又滑又彈牙(食過就知我講咩 -_-!)既韓國拉麵,前所未有既"芝"味,完全佔據同滿足你既"五覺"!!

    佢係4包裝,但係DFans早已當佢係32包裝.............(一箱32包 !)



    佢唔只"芝"味係從未試過,就連包裝都絕不馬虎(雖然應簡約包裝,保護地球,但都忍唔住要講下),未開包裝,淨係觸感,都係從未係感覺過,未食已經覺得很"芝"味。


    打開包裝,裡面除o左韓國拉麵外,調味料係分開三包,一包係蔬菜配料,一包係香辣湯料,一包係芝士粉,分先後次序落,絕對唔係一包攪掂晒,得個快字為賣點!


    首先,將550ml煲滾。(550ml即係幾多?大概4/5大湯碗水左右)
    唔好太多或太少呀,太多水會太淡味,大少水就太咸架喇!



    然後加入麵及蔬菜配料,蔬菜配料非常豐富,裡面有:乾火腿味片,乾蘿蔔,乾白菜,乾玉米以及乾菠菜,欣賞完後,以中火煮約4~5分鐘,唔好心急呀,要煮夠時間,D麵先軟綿綿、滑嘟嘟,又唔好貪心喎,煮得太耐又無咁彈牙架!



    4~5分鐘後,一條條軟綿綿、滑嘟嘟既韓國拉麵、充滿水份,回覆新鮮既蔬菜配料,就出現係你眼前(點解都未食就知?睇下張圖你都會知^-^)。

    係呢個時候,你就可以加入香辣湯料(需然話可因應辣度加多或減少湯料份量,但始終覺得唔落晒會唔夠好味),加入湯料後攪勻再滾,即可熄火,上菜!...唔係,係以湯碗盛起準備食得!!


    湯碗盛起後,雖然已經好香,但係重有最關鍵既一步!
    就係落芝士粉喇,加入芝士粉後攪勻,芝士粉溶化後,Creamy、"芝"味,撲面而來,真係一食上癮,再食難忘,"芝"味,試過都講唔出呀 - 美味しい!!

     



    <<同場加映!!>>
    各位已經食到"芝"味無窮、煮到出神入化既Fans,
    而家心同口係咪都出現緊三個字............"我都知"!!

    當然,我地梗係唔會待慢我地既Fans啦!
    特別為你地介紹,都係香港好少見,但日本同韓國都好流行既即食白飯
     (韓國OTTOGI即食白飯):




     叫得即食白飯,當然煮法係非常簡便,只需撕開蓋面少少致虛線處,放入微波爐叮2分鐘,即可食用。
     
     一碗熱辣辣,香噴噴既韓國白飯,叮一聲就係你面前!
     
     


    佢係韓國產,用純淨無污染、含豐富礦物質,150米深的岩水製做,並取得韓國認證,稻米生長於無公害的環境,粒粒飽滿,而稻米收成後,即以低溫保存,以令稻米的營養得以百份百保存,再於無塵無菌的環境中用高溫高壓方式煮成白飯密封,令白飯適當水份得以保存。
     


    充滿飯香,煙韌滿足,一碗"韓國OTTOGI即食白飯",重量210g,卡路里只有305Kcal,比一般白飯低,各位Fans今次真係可以過足飯癮!

     

    淨食白飯好齋?重要另外買餸?759阿信屋小貼士幫到你!!
    只需買埋即食咖喱包,一碗日式咖喱飯幾分鐘即可食到呀!!





    想知我地更多資訊,就快D去我地Facebook專頁睇睇啦!
    http://www.facebook.com/759StoreHK