菓子体験

    759阿信Blog終於同各位Fans見面喇!!
    25-04-2012 10:25 am

    係呢個Blog,我o地可以同各位Fans分享我地親身食零食既感受,更可率先為大家試食我o地最新到港既零食呀!!

    作為第一次,當然有搶先猛料俾各位Fans啦!我地率先為各位Fans披露同樣對759阿信屋都係第一次既盛事,就係於五月全線舉行既"759阿信屋抹茶フェア" (759阿信屋抹茶祭)喇!!我o地為左呢個抹茶祭,特意係日本搜攞好多抹茶既零食,係呢度就率先介紹幾款我地重點推介既零食啦:




    先o黎最特別既"Daiya 抹茶味白朱古力脆",係香港通常都只係見到朱古力脆脆,抹茶的真係未見過,佢一包有13粒,重要係獨立包裝,一包一粒,真係唔駛驚開左食唔晒成包會變軟!




     

    一撕開個包裝,未入口己經聞到好濃的抹茶味,每粒脆脆包滿超多既抹茶白朱古力,食落去甜得來有好香、好清新的抹茶味,而且一D都唔漏,好味過一般的朱古力脆脆,只有一股甜味,真係忍唔住13粒一次過食晒!!獨立包裝都唔需要^-^


     

     
    再黎既同樣都係香港好少見的銅鑼燒,豆沙餡大家就食得多,抺茶味既我諗各位Fans都好少試過,估唔到原來抹茶味銅鑼燒係重夾重好味過我地一般食過既豆沙餡!


     

     
    入口唔會太甜,有淡淡既抹茶味,剛剛好唔會蓋過銅鑼燒既蛋味同蜂蜜味,原來呢3樣野係朋友黎架!佢一包9個,獨立包裝,細細個約5cm到,充滿新鮮既味道,完全無其他預製包裝既舊麵粉味,真係好似剛剛係樓下西餅店新鮮買回來咁,好啱係office Tea一Tea時食呀。
     
     
     
    日法crossover既餅卷各位Fans食過未呢?今次特地特意搜攞左"七尾抹茶抹茶法式燒餅卷",同樣都係獨立包裝,一啖一粒,夠晒方便。
     
     
    佢唔單只有好香既蛋卷味,內裡既Cream重好juicy,真係外脆內Cream,滿足晒各位Fans既兩個要求!好似飲緊抹茶奶昔咁。
     
     

     
    最後就係兩款抹茶曲奇,先介紹"不二家朱古力粒曲奇-抹茶牛奶味",佢唔係一般普通既抹茶味曲奇(即係只食到味係口,見唔到抹茶餡係手),佢係有抹茶同一粒粒朱古力及牛奶粒係裡面!夠晒特別。



     


     
    而呢包"不二家朱古力粒曲奇-抹茶雪糕味",當然都係有豐富既抹茶餡,佢雖然無左牛奶粒,但朱古力粒更大,一食落口,真係好似食緊抹茶雪糕咁呀!




     
     
     
    我o地係度為大家披露住咁多先,當然抹茶祭梗係唔只咁少零食啦,各位Fans,即使你係唔係抺茶迷,想一口氣掃盡抺茶零食,就千其唔好錯過黎緊5月,759阿信屋抹茶祭喇!!!
     
     
    想知我地更多資訊,就快D去我地Facebook專頁睇睇啦!